الجزء الأول
کنا اويا ما کان بديرة
نلعب يم نخلا الحيرة
وسط احواز اهلی المنهوبة
نلعب يم انهارالتجری بمای الغيرة
ابفيی البرحی الما طخ راسه
وضل اخضر لحبابه و ناسه
نلعب بارض اهلی المغصوبة
و نشرب من کارون الصامد
و الکرخة الحلوة المحبوبة
نلتم اطفال و تلتم کل الصبيان
و کل سنة ليلة تمرنا الفرحة
و تمرنا البسمة المسلوبة
و نضل اندگدگ بيبان
و نصيّح يا اهل الديرة گرگيعان رگيعان
سامع يوم ايمرنا ابهجة معروف باخر رمضان
يوم بکل عام ايمر بينا
من احلی و اسمی الايام
ربنا سمّی هذا اليوم
عيد الله و عيد الاسلام
و کلنا نتانی يوم العيد
انا و محمد وسعييد
کل همنا أشنلبس بالعيد
يا هو شاری ثوب أجديد
ذاک و هذا يصيح انريد
يدری الوالد نتلگاه و انمد له الايد
يتبسّم النا و حسراته بگلبه اتزيد
و جاوبنا بکل تنهيد
لا عيدية والراتب هم بعده بعيد
و کلنا نتانی يوم العيد
ويمتی ايهل بهلاله العيد….؟
0 التعليقات
