احب وصله ويحب للغير وصله
ذاك الاطمئن بهواه وصــــــــله
جعل كَلبي ابودّه الف وصــــله
وكَطّع كـــــــل وصل بجفاه ليه
حبك صار ادماني ونــــــــــدمه
البيه وحرْت اقنعنه ونــــــــدمه
أبّسْمَه وضحكه ما شفته وندمه
عبوس ومحزن وبس ارق ليه
يحن كَلبي الوصل سلمى وسلمى
تحب تتبلل أبجفني وســـــــــلمى
لومنّار اكِص كَلبي وســـــــلمى
السلمى وتلعب اشما تحب هيه
أدوفه أبود هوه ســـــلمى وعينه
كَلبي ولسّه مــــي روحه وعينه
شـــجبشنّه مـــهر شوكَي وعينه
صـــــفه مـــدمن هوه مايكع بيّه
عله سلمى صحت من مشت سلمى
التفتت شفت جفن الشوك ســـلمى
كَلت للريح دخذ الكَلب ســـــــلمى
أبجف سلمى وتشوف الصار بيه
0 التعليقات
