انهض معا خلك يخوي أَنهض معا حالي
نص راح من العمر ما شفت من حالــي
أنته أشتكيت الربع أنه أشتكي حالــي
أشكد صاح ليّه الوطن ماكلت يا عونك
ناديتني وشردت خوف العدو عــــونك
ثوار يا ما غدت محّد حكى عــــــــونك
وأنه ألي ما لحّكت يومي ولا حالـي
شيل أويه أهل المجد ثكل المجد عونه
بلخير كلمن نهض سولف يخل عـــــونه
ولي بلا أحساس ما يسوه سمل عونه
محد يمر بيه ولا يسئل عليه حتـــــــــه
أبثكل الجبل لو كعد سولف ألك حتـــه
يِطْرَش أذا حاورت عن ثوره عن حتــه
ذاك ألي قوت شعب كل للوطن عونه
أبركبت عدوك يخل سن صارمك حدّه
لتخاف محتل أبد هابك عرف حـــــــدّه
بحر الشعب لو طغا حيتان وبي حــده
مادام محتل أرض موعد رحيله حــــان
مهما أبعدت عل وطن تلكه دليلك حان
لازم تضحي أبنفس وتشوف جفّك حان
من دم نضالك وطن أوكف على حــــدّة
فرانسة::::4\8\2009
0 التعليقات
