ابدرب عزَه المناضل لَون سلما
تراجع حتَه گلبه ترك ســــــلما
أبد ما جعل يسفه أبغمد سلما
قبل عدوان توصل للثنـــــــــيه
**********************
الصنع مجده ويأهل المجد حيًه
ذاك الصان عرضه وحفض حيًه
لون يطلب الصاحب يوم حيه
يقدم الروح أله ويًه التــــحيه
*********************
يخل خلًي المجد يرتفع رايه
أنه ولو نطق نستمع رايه
بسلاح ودرايه نطب رايه
الكفاح الهاج من بحر القضيه
********************
يخل نمشي أبسواني المجد خلنه
أودخل أيصير أهوه أيصير خلنه
أبدربه لون سهم القَدر خلنه
نعلن ليش فضاًنها لمـــــــــــنيه
**********************
من سابق ويه أهلل مجد سرنه
وتركنه الماحفض والرفض سرنه
كلمَن مَن علينه أبجهد سرنه
أومشه اويانه ودرس نفس القضيه
***********************
يحس بلوطن كلمن صار عزمه
ثوري أو سار حين الموت عزمه
الما يفهم العار أيعيش عزمه
أله ولا فهم ما معنى الحميه
********************
أحب ألًي ملك غيره ودعما
ولا شاف الگلب غيِره ودعما
دع من گال أعوفنه ودعما
يشَيعَه ألي بغض أهلل حميه
0 التعليقات
