هــــــــوى الســــــمرة
أحبك يا هوى السمرة
أحبك يا ضوه العشرة
احبك كيف ما ادري
القلب حبك واظن تدري
القلب ينبض بسم دارك
هويتك والهوى موعيب
عيب ألي هجر نارك
وعيب أهجر درب حبك
وخونن هل هوى العذري
قلبي تاسر ابحبك والله الشاهد ويدري
أوصوتك دوم يندهلي
وحسّنه يمر نسمات فوقي
وبين أنفاسي ويمر حدري
يناديني بلسان الشوق
أومن تحت الوساده أيصيح يندهلي
من بين العشب والشوك والاشجار
من بين العثوك وبين اقصان العنب
والتين والرمان يصرخلي
من بين الضلوع ويدري هيه اتلوع
وبصوت المحب والعاشق الولهان يندهلي
قلبي سلم امرة بأيد خالق هل محبه وخالق الاشواق
أو مشه ابدربه الك دايم مشه تدري
وتدري بلخطر اهوه الرفيج اوياي
وأدري بلخطر صاحب الي وبي موتي وقدري
درب حبك صعب وطويه. بجدامي الوفيه
المخلصه, و ما شي الخطر شاريه
وبقلبي اليدك دكات مجنونه
الك روح الوفه وأخلاص
والحب يشع بعيونه
ألك سالك درب حب وخطر أمره
واحبك يا هوى السمره
شريد اكتب شعر عنك قوافي أو بلقلم نامت
الكلام ابفكري اتجمد
القلم ما يخط افكاري
أبحبر دمعه ولا يجري أبلهب ناري
أبد ما تقدر الكلمات توصف حبك الماصار
أو مشكلتي ألك عشاق كثره واليحبونك
كثر من ناس مرموقة وجمع اخيار
ابد ما ساومو بلحب ولا باعو
هوى السمرة ويدرون اليصير اوصار
وتدري اليحب مجنون أبهوى المحبوب
دايم عل حبيب ايغار
وتدري الحب لضى ايشب نار
وتدري الحب نصر مظلوم
يدعم قوت الاقطار
هوه السمرة زرع غيرة وحمية
ومفخرة ونخوه بجمع لنصار
هوه السمرة شعل ثورة ابقلب
كل ماجده وكل شاب,
الأله ضحو نفوس اوروس
من شافو لفت قوات شريرة
وتدري اليحب ما يصبر ولو بلحب
عليه اجتمعت الأعداء و الأشرار
يوصل لليحب يوصله وينوله
ويدري بدّرب مغصلته معدولة
والحبوك مومثلي, مثالي اهمه
ابـــــــــجمع جيل الي راح
وجـــــــــيل هذا الـــــــــمار
وكت عشقو هوه السمرة لجلها
باعو الأرواح ,باعو برخص الأسعار
حين الي هوى السمرة دعاهم فزعو الأحرار
شكتب عن هوى السمرة, زغير أنه
ولو نفسي ألقاها دوم ولهانه
ولا اوصل قدر حبهم هوى السمرة
ولا أعرف دربهم وصل اجنانه
أسنت عزم بيديهم ولا بيهم تجد خوان
صاحوا لا ابد للخوف
أوينه العال عل دله ودخل ديوان
الكل ضحه ابطريقه ومنهجه ايعرفه
جرحه السان حاله ايقول
أذا ما رجعت السمرة فلاأشفه
ولا القه حظن دافي
مثل حظن الحبيبه ولا أظن ادفه
والماشي ابهوى السمرة
ابد ما يرجع أو ينحاز
يضل حبه وفاه وطول عمرة أيعيش
يتنفس هوى محبوبته الأحواز
0 التعليقات
