گرگيعان
الجزء الثاني
فوق شوارب الاحوازيين ايمر نفط الديرة ويجری
امبوب بجانب انبوب ووين يوصّل الله اليدری
و الاحوازی اليعمل عدهم حمال و خالی الجيوب
و لو عاتبته گال اوحيد شعمل وحدی يا محبوب
و لا تفکر ما افهم, لو عندی الحق ضايع
لو تعجبنی های الحالة و اخمد جايع
ادری و شایف هالمحتل يلعب بالديرة
و الما حس مو زلمه و ما زارتة الغيرة
ولا تظن ايضيع الحق الی وراه طلاب
و نتانی يوم التحريرو ما هو بعيد
و يمتی ايهل بهلاله العيد ؟
بکيف المرجع يمتی يغرر صار العيد
و المرجع ما يقبل احد لو شاف هلاله و ميريد
منهل الديرة ميه و واحد شافوا الهلال من بعيد
و المرجع يعلن بالجمعة نص اليوم يشوف هلال
ووينه الشاف هلال العيد وين الگال ؟؟
گلهم طلعوا ظهر الجمعة شوفوا نجم سهيل الساطع
اهوه مثل الشمس ايبين
و يشوفه بس المتدين
و يمتی عيد العرب يصير ؟
من بعده نعلن تقرير
عيد امتنا اهوه ابنوروز
انعيد وياهم ميصير
و اطفال الديرة التتنطر عيد الله و عيد الانسان
ضاعة بسمتهم بالدمعة
و ترکوا هدم الفرحة و ذبوا للنسيان
بفيي الحايط واحد گاعد
و الثانی بفيي الاحزان
و البيده شوی خبزة و تمرة
نص منها مخلصه الذبان
و کل عام تمر های القصة
و کل سنة نحزن يوم العيد
و تضل ايتام الاحواز
لا حالی لا ثوب جديد
واحدهم للثانی يگول
لو ندری ما ردنا العيد
يا ريت ايرد نص رمضان
و نضل اندگ دگ بيبان
و أنصّيح يا أهل الديرة
گرگيعان و گرگيعان
0 التعليقات
